منتديات غليزان

* برامج * العاب* تسلية *
 
الرئيسيةالبوابةمكتبة الصوربحـثالمجموعاتالتسجيلدخول

شاطر | 
 

 اضحك مع النكت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
العقرب الاسود
Admin
Admin
avatar

عدد الرسائل : 971
السٌّمعَة : 11
نقاط : 430
تاريخ التسجيل : 02/07/2008

مُساهمةموضوع: اضحك مع النكت   الثلاثاء سبتمبر 02, 2008 12:40 pm

اضحك مع النكت

واحد صعيدي راح أمريكا لقي كل الشباب لابسين تشيرت مكتوب علية سفن اب كوكاكولا – بيبسي
راح كتب على الجلابية عصير قصب

*** *** ***
واحد كان بيدور على مطعم نظيف، لقي محل مكتوب عليه (حاربنا الذباب) فراح داخل وأول ما جه الأكل تجمع الذباب عليه
فقال للجرسون: بتقولو حاربنا الذباب وطلع كل الذبابا ده منين الجرسون: احنا حاربنا الذباب بس هو فاز علينا
*** *** ***
أتنين سودانيين قاعدين يدردشوا مع بعض
الأول : تصور يا زوووول عبدوالناصر مات من كتر الهموم
الثاني قالو : لما هو مش اد الهموم بيستهما ليه
*** *** ***
واحد قاعد في خمارة لقي أتنين مساطيل بيكلموا بعض
- أنت ساكن فين
- في مدينة نصر
- معقولة ؟ وأنا كمان .. فين في مدينة نصر ؟
- في المنطقة الأولى شارع النصر
- الله وأنا كمان، في عمارة كام؟
- شقة 35
- لأ مش ممكن ، وانا كمان
الراجل هيتجنن، سأل الجرسون ايه الحكاية؟
- متاخدش ف بالك دول واحد وأبوه بيسكروا هنا كل يوم
*** *** ***
أب كسلان بيقول لابنه كسلان قوم افتح الباب لامك
قاله: ماتروح تفتحلها أنت مش دي تبقى مراتك
قال الأب أوم يا ابني دي أمك
قال الابن: وتبقي برده مراتك قوم انت افتحلها
طب هي طالق قوم بقي افتح
*** *** ***
سائق تاكسى مصرى يعمل فى نيويوك ركب معه مواطن أمريكى
الأمريكى:أريد الزهاب إلى المطار فورا الطائرة سوف تطير بعد دقائق
السائق المصرى : فى خدمتك حالا سنصل إلى المطار
انطلق السائق المصرى بأقصى سرعه , عند أول تقاطع كانت الإشارة حمراء لكنه لم يتوقف و تخطى التقاطع
صرخ الأمريكى : ما هذا ؟
رد السائق : لا تقلق السائق المصرى أمهر السائقين
عند التقاطع الآخر كانت الإشارة حمراء و انطلق السائق بأقصى سرعة
صرخ فيه الأمريكى : ماذا تفعل هل أنت مجنون ؟
رد السائق : لا تقلق السائق المصرى أمهر السائقين
عند التقاطع الثالث كانت الإشارة خضراء . فضغط السائق على الفرامل بشدة حتى توقفت السيارة
فصاح الأمريكى : ماذا بك , الإشارة خضراء ! لماذا توقفت ؟؟
رد السائق : ربما يكون هناك سائق مصرى آخر يمر فى الإتجاه العمودى .

*** *** ***

واحدة حامل في ثلاث توائم
يوم الولادة الدكتور بيطلع العيل الأول لقاه نايم وساكت قعد يضربه على وشه حتى صرخ الطفل ركنه على جنب
وطلع الطفل الثاني لقاح زى أخوه قعد يضربه لما فاق وركنه
والدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس
الممرضة جت تكمل لقت الطفل الثالث طالع براسه بالراحة وبيسألها
هو الراجل اللى بيضرب العيال مشى ولا لسة
*** *** ***
مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح

*** *** ***
مرة تلاتة عايزين ياكلوا وما كانش معاهم فلوس دخلوا مطعم وطلبوا الأكل وبعد كدة جة الجرسون ومعاة
شيك الحساب وراح على أول واحد وقالو الحساب رد وقالو منا أديتك الفلوس قالو لا أنا ماخدتش حاجة رد الجرسون وقالو طب نسال زميلك التانى هو أدانى فلوس قال له لما أنا كنت بحاسبك قال له لا انتو شكلكوا نصابين طب أنا هاسأل زميلكم التالت شكلو محترم وقالو هو أنا خدت الحساب من زمايلك قالو سيبك من ده كله وادينى الباقى

*** *** ***
مرة واحد فكهانى راح فرح
رقص عشرة بلدى
وعشرة ابو صرة

*** *** ***

أغبية راحو يلعبو بلياردو، واحد منهم وقف فوق الطرابيزة وقال لهم أنا الجوووووون
*** *** ***
واحد قتل حماته وفى القسم الظابط بيسأله اسمك ايه ؟
قال له : اكتب فاعل خير أنا مش بحب التفاخر

*** *** ***
واحد بخيل راح يزور مامته في المستشفى لقي على الباب كلمة ادفع(push) قال ازورها بقى لما تروّح البيت

*** *** ***

مره واحد بيقول لمراته انا بحب فيتراك اوى
قالت له وانا بحب سمير اوى
قالها ياوليه فيتراك ده مربى
قالت وسمير ده عسل

*** *** ***
ظابط علي المعاش فتح محل حلاويات سماه التورتة في خدمة الشعب

*** *** ***
مره اتنين مساطيل واحد قال للاخر مش فيتنام فازت على امريكا فى الحرب واحنا فزنا على اسرائيل .. المسطول الثاني
قال له : يبقى كده احنا المفروض نصفى مع فيتنام

*** *** ***
صرصار خارج من السوبر ماركت فرحان عشان شاف صورته على علبة ريد

*** *** ***
اتنين ستات عواجيز نفسهم يتجوزوا وطبعا مش لاقيين فكروا يعملوا إعلان في الجريدة كتبوا فيه ..
تزوج واحدة واحصل على الثانية مجانا

*** *** ***
مرة اتنين أغبيه عندهم حصانين.. فكانوا عايزين يعلموهم علشان ما
يتلغبطوش بينهم .. الاول قطع اذن حصانه وراح قال للتاني ، فالتاني
قال له الله يخرب بيتك انا بردو عملت كده.... فالاول راح فقع عين حصانه ، وراح قال للتاني فالتاني قاله الله يخرب بيتك انا بردو عملت كده.... فالاول قاله ان هتصدعنى في دماغي .. خدت انت الحصان الاسود وانا الحصان البيض

*** *** ***

واحد سرق كرسي من القهوة وطلع يجري .. صبى القهوة شافه اخد ديله فسنانه و جري وراه
قام الحرامي لمحه بيجري وراه راح وقف في نص الطريق وقعد على الكرسي .. قال للقهوجي هات لى واحد شاي

*** *** ***
مرة واحد انجليزي وواحد فرنساوي وواحد صيني راحوا يجربوا صدى الصوت
الانجليزي قال هاللو فرد عليه صدى الصوت وقال هالوووو
الفرنساوي قال بنجور رد عليه صدى الصوت و قال بنجوووور
الصيني قال شونجا كونجا هونجاهى فرد عليه صدى الصوت وقال بتقول ايييييييه

*** *** ***
مره واحد صعيدى بيقول لواحد صعيدى : لو قلت لى اللى فى الكيس ده هديلك منه بلحتين
قاله : تبقى جوافه

*** *** ***
بتقول الزوجة لزوجها : مبروك هنبقي ثلاثة في البيت
الزوج بسعادة : حاجة جاية في السكة ؟؟؟
قالت له : لا ماما هتعيش معانا

*** *** ***
واحد كسلان جداً ...بيقول لصاحبه : مش انا اشتغلت
قال له مبروك اشتغلت فين ؟
قال له في مطبعه... اقعد علي الورق علشان ما يطرش

*** *** ***
واحد صعيدى لقى مصباح علاء الدين قعد يدعك فيه لحد ما جاب للعفريت تسلخ

*** *** ***

مرة اتنين حرامية مساطيل عايزين يسرقوا بيت قالوا نأخذ البيت بعيد ونسرقه قلعوا ملابسهم وقعدوا يزقوا في البيت جه حرامى من وراهم واخد الملابس التفت واحد منهم وقال لزميله كفاية إحنا بعدنا قوى

*** *** ***

مرة واحد صعيدي قاعد كانت دماغه وجعاه من الشمس فحاطط ايده على دماغه راح
واحد تاني صعيدي معدى من جنبه قاله : مالك يابوي
رد عليه وقاله : تعبان من الشمس
التاني قاله: حمدان من سوهاج
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://relizane2.mam9.com
ساره غليزانية

avatar

انثى
عدد الرسائل : 24
العمر : 27
العمل/الترفيه : والو
المزاج : نعسانة
السٌّمعَة : 0
نقاط : 26
تاريخ التسجيل : 06/06/2010

مُساهمةموضوع: رد: اضحك مع النكت   الأحد يونيو 06, 2010 1:57 pm

ههههه شكرا لك على النكت الرائع و
تابع تألقك وإبداعك في المنتدى الغالي
لا تحرمنا من جديدك الرائع والمتميز
ننتظر جديدك فلا تطل علينا وقت الإتنظار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اضحك مع النكت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات غليزان :: منتديات التسلية و الترفيه :: نكت-
انتقل الى: